"Şalke"nin qapıçısı Aleksandr Nübel kapitanlıq sarğısından məhrum edilib. Sportinfo.az Almaniya mətbuatına istinadən xəbər verir ki, buna 23 yaşlı qolkiperin "Bavariya" ilə müqavilə bağlaması səbəb olub.
Komandanın baş məşqçisi Devid Vaqner də xəbəri təsdiqləyib: "Nübellə danışdıq, kapitanlıq sarğısını təhvil verəcək. Yeni kapitanımız isə Omar Maskreldir".
Qeyd edək ki, "Şalke" ilə yeni müqavilə şərtlərində razılığa gələ bilməyən Nübel "Bavariya" ilə 5 illik sözləşmə imzalayıb. Almaniya millisinin qapıçısı Münhen təmsilçisinə bu ilin yayında qoşulacaq.