"Bavariya"nın qapıçısı Manuel Noyer klubdakı gələcəyi barədə danışıb. Sportinfo.az xəbər verir ki, 33 yaşlı qolkiper karyerasını Almaniyadan kənarda davam etdirə biləcəyini bildirib.
Almaniya millisinin üzvü 2011-ci ildən Münhen klubunda çıxış edir: "Karyeramı Almaniyada başa vuracağımı açıqlamamışam. Ancaq "Bavariya"dan ayrılacağımı da deməmişəm.
Başqa ölkədə bir gün oynamaq istəyərdim. Dediklərim ayrılmaq istədiyim anlamına gəlməsin. Fərqli bir seçimi bir gün istəyə bilərəm. İndi özümü çox rahat hiss edirəm".