"Bavariya"da baş məşqçi məsələsi həllini tapıb.
Sportinfo.az klubun rəsmi saytına istinadən xəbər verir ki, Hans Flik cari mövsümün sonuna kimi komandanı çalışdıracaq. Bu barədə qərar Münhen təmsilçisinin baş direktoru Karl-Haynts Rummenige, idman direktoru Hasan Salihamidziç və Flik arasında keçirilən üçtərəfli danışıqlardan sonra verilib.
Məsələylə bağlı açıqlama verən Rummenige baş məşqçinin işindən razı olduqlarını söyləyib: "Komandanın həm oyunundan, həm qazandığı nəticələr bizi razı salır. Ümid edirəm ki, növbəti ildə də vəziyyət bu cür davam edəcək".
Salihamidziç isə Flikin onların etimadına layiq olduğunu bildirib: "Əminəm ki, biz onunla çempionatda, kubokda və Çempionlar Liqasında uğur qazana bilərik".
Qeyd edək ki, Flik "Bavariya"nın sükanı arxasında Niko Kovaçı əvəzləyib.