Futbol üzrə Almaniya bundesliqasında 15-ci turun oyunları davam edir. Bir qədər əvvəl başa çatan "Bavariya"- "Verder" matçında münhenlilər rəqibi 6:1 hesabı ilə darmadağın edib. Sportinfo.az xəbər verir ki, Levandovski və Koutinyo bu görüşdə hərəyə 2 qol vuraraq dubl edib.
Bu qələbədən sonra "Bavariya" turnir cədvəlində 4-cü pilləyə yüksəlib. Çempionluğa digər iddialı komanda - Dortmund "Borussiya"sı isə səfərdə "Mayns"a 4 cavabsız qolla qalib gəlib. Hazırda dortmundlular 29 xal turnir cədvəlində 3-cü sıradadır. Bundesliqanın lideri isə hesabında 31 xalı olan Münhenqladbax "Borussiya"sıdır.
