Niko Kovaçla yollarını ayırmağa hazırlaşan "Bavariya" yeni baş məşqçi axtarışlarına başlayıb.
Sportinfo.az "Bild"-ə istinadən xəbər verir ki, Münhen təmsilçisi bir neçə gündür Massimiliano Alleqri ilə danışıq aparır. Məlumata görə, "Yuventus"un sabiq çalışdırıcısı alman klubunda işləməyə razılıq verib.
Almaniya Bundesliqasında 10 turdan sonra 4-cü pillədə qərarlaşan "Bavariya" ötən gün “Ayntraxt”a 1:5 hesabı ilə uduzub. Məhz bu uğursuzluqlardan sonra Münhen klubunun rəhbərliyi Alleqri ilə tez bir zamanda razılığa gələrək onu baş məşqçi postuna gətirmək istəyir.
