“Bayern” “Sabah”ın Çempionlar Liqasında rəqibi olan “Barselona”nın iki futbolçusunu transfer etməkdə maraqlıdır.
Sportinfo.az xəbər verir ki, bu barədə “Mundo Deportivo” nəşri məlumat yayıb.
Münhen təmsilçisi uzun müddətdir Dani Olmonun çıxışını izləyir. Ancaq almanlar ispaniyalı yarımmüdafiəçini qış transfer pəncərəsində heyətinə qatmağı planlaşdırmır.
Bu keçid daha çox gələcək üçün nəzərdə tutulub. Tərəflər arasında mümkün transferin məbləği təxminən 90 milyon avro ola bilər.
“Bayern”in diqqətində olan digər futbolçu isə Jül Kundedir. “Barselona” fransalı müdafiəçini 80-90 milyon avro dəyərində qiymətləndirir.
Münhen klubunda bu məbləğin həddindən artıq yüksək olduğu düşünülür. Buna görə də, qışda transferin reallaşması mümkün görünmür.
Almaniya çempionu hələlik futbolçunun vəziyyətini izləməklə kifayətlənir.
28 yaşlı Olmo bu mövsüm bütün turnirlərdə 11 oyuna çıxıb, 1 qol vurub və 4 məhsuldar ötürmə verib. 27 yaşlı Kunde isə 8 matçda 1 qol və 1 məhsuldar ötürmə ilə yadda qalıb.
