Növbəti mövsümdə I Liqada adından söz etdirməyi düşünən “Şahdağ Qusar” qaza bərk basıb.
“Sükan” arxasınai Füzuli Məmmədovu gətirən şimal təmsilçisi baş məşqçinin istədiyi heyəti yığmağa çalışır.
Məmmədovun göz qoyduğu oyunçulardan biri Urfan İsmayılovdur.
Keçən il “Qəbələ”, bu il isə “Şəfa” ilə Premyer Liqaya yüksəlməyin sevincini yaşayan təcrübəli yarımmüdafiəçinin ayağı düşərli sayılır.
I Liqa üçün bacarıqlı futbolçulardan sayılan İsmayılovun özü də “Şahdağ Qusar”da oynamağa qarşı deyil. Tərəflər bu məsələ ilə görüşüb, danışıb, hətta razılıq əldə ediblər.
Urfanın karyerasını Qusar təmsilçisində davam etdirəcəyi böyük ölçüdə dəqiqləşib.
Ona liqanın başqa klublarından təkliflər olsa da, daha sərfəli şərtlər irəli sürən “Şahdağ Qusar”ı seçib.
“Şəfa”dan ayrılan daha bir-iki futbolçunun da şimala üz tutacağı gözlənilir.
HƏBİB / SPORTİiFO.AZ
