Bu gün II Liqada 24-cü tura yekun vurulub.
Sportinfo.az xəbər verir ki, son oyun günündə 2 matç keçirilib.
Turun mərkəzi oyunu Şamaxıda baş tutub. Burada lider "Xankəndi" ikinci yerdəki "Qaradağ Lökbatan"la qarşılaşıb.
Komandalar hərəyə 1 qol vurmaqla heç-heçəyə razılaşıb və olduğu mövqedə qalıb.
Digər görüşdə "Şəmkir" özündə "Quba"nı qəbul edib. Qonaqlar 5:2 hesablı qələbə qazanıb və üçüncü pillədə möhkəmlənib.
"Xankəndi” – “Qaradağ Lökbatan” 1:1
Qollar: E.Nəsibov, 45+5 // F.Abbaslı, 90+ 7
Qırmızı vərəqə: E.Nəsibov, 90+5, B.Teymurov, 90+8 (hər ikisi "Xankəndi")
Şamaxı OİK stadionu
“Şəmkir” – “Quba” 2:5
Qollar: R.Abdullayev, 57, C.Cəlalzadə, 65 // V.Cəfərov, 18, 71-pen; R.Məhərrəmov, 41, K.Mirzəyev, 45+3, B.Köçərli, 73
Şəmkir OİK Stadionu
