«Şəfa» fəaliyyətində dəyişiklik edib.
I Liqada debüt mövsümünü keçirən paytaxt təmsilçisi «Qarabağ» modelinə üz tutub.
Bu məqsədlə iki klubun rəsmiləri və məşqçiləri arasında görüş keçirilib. Hazırda çempionatda turnir cədvəlinə başçılıq eləyən
«Şəfa» istər idarəçilik, istərsə də gündəlik iş proqramı baxımından «köhlən atlar»ın təcrübəsindən yararlanmağı lazım bilib.
Ağdam komandasının baş məşqçisi Qurban Qurbanov bu yöndə onlara çox qiymətli məsləhətlər verib.
Üç il öncə fəaliyyətini bərpa eləmiş «şəhərlilər»in niyyəti I Liqanı birinci yerdə bitirmək və birbaşa Premyer Liqaya vəsiqə qazanmaqdır.
Yeddi turdan sonra onların aktivində 19 xal var. Turnir cədvəlinin ikinci pilləsində qərarlaşan «Səbail»i 2 xal qabaqlayırlar.
SPORTİNFO.AZ
