.jpg)
Bu gün Tovuz şəhər stadionunda yenidənqurma işlərinə başlanacaq.
«Turan Tovuz»dan redaksiyamıza verilən məlumata görə, prosesə süni qazonun sökülməsi mərhələsindən start veriləcək.
Sentyabrda sahəyə toxum səpiləcək. Buradan çıxarılan qazon küçəyə atılmayacaq.
Üç il öncə quraşdırılmış meydança klubun arenadan 2-3 metr məsafədə yerləşən yeni bazasına aparılacaq.
Yeni mövsümdən etibarən akademiyanın bir neçə yaş qrupu orada həm məşq keçəcək, həm də oyunlara çıxacaq.
Əsas komandaya gəlincə, artıq vəziyyət bəllidir: ev matçlarını Suraxanıda keçirəcəklər. «Turan Tovuz»la «Qarabağ» arasında bununla bağlı razılaşma əldə olunub.
«Köhlən atlar» öz qapılarını qərbli həmkarlarının üzünə açıb. Təqribən 3-4 ay belə olacaq.
SPORTİNFO.AZ
