"Zirə"nin Bakıda Xorvatiya təmsilçisi "Osiyek"ə qarşı keçirəcəyi Konfrans Liqasının III təsnifat mərhələsinin cavab oyununun biletləri satışa çıxarılır.
Sportinfo.az qəsəbə təmsilçisinin mətbuat xidmətinə istinadən xəbər verir ki, azarkeşlər biletləri bugündən etibarən ala biləcəklər.
Qiymətlər sektorlara görə 2, 5, 10 və 20 manat təşkil edir.
Biletləri Zirə İdman Kompleksindən, "Dalğa Arena"dan və Tofiq Bəhramov adına Respublika stadionunun kassalarından əldə etmək mümkündür.
Avqustun 15-də "Dalğa Arena"da keçiriləcək qarşılaşma saat 20:30-da start götürəcək. Xorvatiyadakı ilk görüşdə heç-heçə qeydə alınıb - 1:1.
