"Zirə" Türkiyənin Antalya şəhərindəki təlim-məşq toplanışında ilk yoxlama oyununu keçirib.
Sportinfo.az xəbər verir ki, Rəşad Sadıqovun baş məşqçi olduğu komanda Macarıstanın "Peç" kollektivi ilə üz-üzə gəlib.
Qarşılaşma "qartallar"ın 3:5 hesablı məğlubiyyəti ilə başa çatıb. Bakı klubundan qolları Ağabala Ramazanov, Vüsal Əliyev və İlkin Muradov vurublar.
"Zirə" yanvarın 20-də “Qurnik” (Leçna, Polşa), yanvarın 24-də isə “Breqalnitsa” (Şimali Makedoniya) ilə görüşəcək.