"Beşiktaş"ın baş məşqçisi Sergen Yalçının komandadakı gələcəyinə aydınlıq gəlib.
Sportinfo.az xəbər verir ki, bu gün klubun prezidenti Ahmet Nur Çebi ilə görüşən 49 yaşlı mütəxəssis İstanbul təmsilçisi ilə yeni müqavilə şərtlərində anlaşıb.
Sözləşmənin müddəti və digər detalları yaxın vaxtlarda açıqlanacaq.
"Beşiktaş" 2020/2021 mövsümündə Sergen Yalçının rəhbərliyi ilə Superliqanı və ölkə kubokunu qazanıb.