“Sabah”ın UEFA Çempionlar Liqasında rəqibi olan “Barselona”nın müdafiəçisi Jül Kunde karyerasını İngiltərə Premyer Liqasında davam etdirə bilər.
Sportinfo.az “Diario Sport”-a istinadən xəbər verir ki, “Çelsi” qış transfer dövründə 28 yaşlı futbolçunun transferi ilə bağlı Kataloniya təmsilçisinə yeni təklif göndərməyi planlaşdırır.
London təmsilçisinin baş məşqçisi Xabi Alonso Kunde ilə yaxından maraqlanır. “Zadəganlar” Malo Qustonun mümkün gedişini nəzərə alaraq, fransalı müdafiəçinin transferi üçün ciddi məbləğ xərcləməyə hazırdır.
Kunde cari mövsümdə bütün turnirlər nəzərə alınmaqla 8 oyunda meydana çıxıb, 1 qol vurub və 1 məhsuldar ötürmə verib. “Transfermarkt” portalı onun bazar dəyərini 55 milyon avro qiymətləndirir.
