.jpg)
Bu gün AVRO-2020-nin qrup mərhələsində son oyununu İsveçrəyə qarşı keçirəcək Türkiyə yığması Bakıda qala bilər.
Sportinfo.az xəbər verir ki, bunun üçün qardaş ölkə təmsilçisinin qələbə qazanması vacibdir.
Əgər Şenol Günəşin yetirmələri 3 xal qazansa, “ay-ulduzlular” qrupda 3-cü yeri tutacaq. Bu isə komandanın taleyini qeyri-müəyyən edəcək.
Türkiyənin 1/8 finala yüksələn 4 üçüncü yer sahibi arasında olub-olmaması digər qruplardakı görüşlərin başa çatmasından sonra dəqiqləşəcək. “Ay-ulduzlular” da 3-cü olub, taleyini gözləyəsi olsa, Bakıda qalacaq.
Türkiyə yığması 3-cü yerlə ölkəmizsə qalsa, qrup mərhələinin başa çatdığı iyunun 23-dən sonra ya vətənə dönəcək, ya da 1/8 final matçını keçirəcəyi məkana yollanacaq.
İyunun 12-də Bakıya gələn Günəşin komandası Olimpiya Stadionunda Uelsə 0:2 hesabı ilə uduzub. İlk matçında İtaliyaya 0:3 hesabı ilə məğlub olan türkiyəlilər 3-cü yeri tutmaq və 1/8 final şansını qorumaq üçün sabah mütləq qalib gəlməlidir.
