«Sumqayıt» indidən yeni baş məşqçi axtarışına çıxıb.
Bu mövsüm qeyri-sabit çıxışıyla yadda qalan «gənclik şəhəri» təmsilçisi Saşa İliçə əvəzləyi arayışındadır.
Ötən ilin iyulunda görəvə gətirdiyi serbiyalı ilə müqavilənin müddətini artırmayan «kimyaçılar»ın namizədlərinin siyahısı artıq hazırdır.
Burada 10-a yaxın çalışdırıcı yer alır.
Siyahıda həm yerlilər, həm də əcnəbilər yer almaqdadır. Klub rəhbərliyi artıq onlardan bəzsiylə danışıqlar aparıb.
«Sumqayıt» Premyer Liqanın 28 turu ərzində 35 xal əldə edib. Bu nəticə ilə turnir cədvəlinin yeddinci pilləsində yerləşiblər.
SPORTİNFO.AZ
