"Sumqayıt"ın legioneri Ronaldo Vaskezin çıxış etdiyi Dominikan Respublikası yığması Kuba komandası ilə üz-üzə gəlib.
Sportinfo.az xəbər verir ki, "CONCACAF Series"in ikinci mərhələsi çərçivəsində baş tutan qarşılaşma 1:1 hesablı bərabərliklə yekunlaşıb.
Hesabı 50-ci dəqiqədə kubalılar açsalar da, Dominikan Respublikası cəmi 3 dəqiqə sonra Dorni Romeronun qolu ilə tarazlığı bərpa edərək məğlubiyyətdən xilas olmağı bacarıb.
Vaskez bu matça start heyətində başlayıb və 68-ci dəqiqədə Edison Askona ilə əvəzlənib.
Daha öncə Dominikan Respublikası təmsilçiləri El Salvador yığması ilə qarşılaşıb. Matç 2:2 hesablı heç-heçə ilə yekunlaşıb.
"Sumqayıt"ın digər futbolçusu Abdul Raşid Mumininin çıxış etdiyi Benin yığması martın 31-də Qvineya ilə yoldaşlıq görüşü keçirəcək.
