Mövsümün sonu "Sumqayıt"dan ayrılacaq oyunçular sırasında Danilo Beskorovaynıy da olacaq.
“Polissya” klubuna məxsus ukraynalı müdafiəçi qış fasiləsində "kimyaçılar"a qoşulmuşdu.
Onun icarə müqaviləsi yayda başa çatacaq.
Sumqayıt təmsilçisi stoperi düşərgədə saxlamaqda maraqlı deyil.
Ona görə də qarşı tərəflə heç bir danışıq aparılmayacaq.
26 yaşlı legioner arxada qalan müddətdə 9 görüşdə forma geyinib.
Danilo Beskorovaynıy karyerası ərzində “Polissya” ilə yanaşı Ukraynanın “Volın”, “Krivbas”, Litvanın “Atlantas”, Slovakiyanın “Mixalovtse”, “Dunayska Streda”, Qazaxıstanın “Astana” klublarında çıxış edib.
O, Ukraynanın U-20 millisində 9 oyun keçirib.
XANOĞLAN / SPORTİNFO.AZ
