«Sumqayıt»ın futbolçuları mükafat qazanmaq imkanını qaçırıb.
Keçirdiyi son 11 oyunda cəmi 1 qələbə qazanan «gənclik şəhəri» təmsilçisi mövsümün qalan hissəsində əlavə gəlir əldə etməyəcək.
Bu, rəhbərliyin adekvat cəza tədbiridir.
Komandaya 3 ay ərzində yalnız «quru» əməkhaqqı ödəniləcək.
Bundan ötrü küsüb eləməyə dəyməz. Səbəbkar özləridir.
Çünki «Sumqayıt» avrokuboklara vəsiqə qazanmaq şansını artıq möcüzəyə buraxıb.
«Zirə»yə uduzaraq ölkə kubokunda mübarizəni ¼ final mərhələsində dayandıran «kimyaçılar» Premyer Liqada 32 xala malikdir.
Turnir cədvəlinin altıncı pilləsində qərarlaşmış sumqayıtlılar liderlər qrupundan bir xeyli uzaq düşüb.
SPORTİNFO.AZ
