“Sumqayıt” Misli Premyer Liqasının XXIII turunda səfərdə “Karvan-Yevlax”la 1:1 hesablı heç-heçə edib.
Sportinfo.az xəbər verir ki, “kimyaçılar”ın 20 yaşlı yarımmüdafiəçisi Nihad Əhmədzadə komandasının uğursuz nəticələri ilə bağlı sualı cavablandırıb:
“Əslində, oyun bizim üçün yaxşı başlamışdı. Həm komandam, həm də mənim üçün pis alınmırdı.
Sadəcə, sona yaxın bir az boşluqlar verdik. Nəticədə də qol buraxdıq və xal itirdik.
Komandamız çempionatda 5 oyundur qələbə qazanmır. Səbəbini tam olaraq biz də bilmirik.
Psixoloji amillə bağlıdır. Çünki bu aralar qələbə qazana bilmirik. Bu da istər-istəməz psixologiyamıza təsir edir.
Özümüzdə də problem var. Rəqiblər də mövsüm boyu get-gedə güclənir”.
