"Sumqayıt"ın yarımmüdafiəçisi Ronaldo Vasqes Ölkə Kubokunun 1/8 final mərhələsində "Difai"ni məğlub etdikləri matçdan (3:1) sonra Sportinfo.az-a müsahibə verib.
- Oyun barədə nələr deyə bilərsən?
- Biz öz oyunumuzu oynamağa çalışdıq, lakin matçı erkən bitirə biləcək bir neçə fürsəti əldən verdik. Bununla belə, vacib olan növbəti mərhələyə yüksəlməyimizdir.
- 1:1 olanda kubokdan vidalaşmaq qorxusu yaşadın?
- Qorxmurdum, amma bu vəziyyətdən qaça biləcəyimizi bilirdim. Komanda yaxşı cavab verdi və biz qələbəni təmin etdik.
- Növbəti rəqib "Zirə"dir. Titul şanslarını necə görürsən?
- Ən yaxşı şəkildə hazırlaşmağa davam edirik. Bu, hədəfimizə doğru irəliləmək üçün iki çox vacib qarşılaşma olacaq.
- Qarşıdan "İmişli" ilə oyun gəlir. Gözləntilərin nədir?
- Asan matç olmayacaq, amma evdə oynayırıq. Nəticələr baxımından yaxşı çıxış edirik, ona görə də eyni şəkildə davam etməliyik.
- İlk oyunda texniki qələbə ilə məğlubiyyətdən xilas olmuşdunuz. Bu dəfə meydana həm də həmin məğlubiyyətin təsadüf olduğunu sübut etmək üçün çıxacağınızı demək olar?
- Meydançaya çıxıb əlimizdən gələni edəcəyik. Mən buna əminəm. Biz çox yaxşı oynayırıq və çox çalışırıq. Biz yaxşı formadayıq və bu 3 xalı evdə saxlamaq üçün mübarizə aparacağıq.
XANOĞLAN İMANOV
