Premyer Liqada 10-cu tur arxada qaldı, amma "Sumqayıt"ın yarımmüdafiəçisi Tresor Mossi hələ də debüt etməyib.
24 yaşlı legionerin klubdan ayrıldığı iddia olunur.
Amma vəziyyət tam fərqlidir.
Əldə etdiyimiz məlumata görə, baş məşqçi Saşa İliç Burundin millisinin üzvünü sərəncamında görmək istəməyib.
Bu səbəbdən onun adı bu mövsüm üçün sifariş ərizəsinə daxil edilməyib.
Orta sahə oyunçusu isə əvəzedici komandaya qoşulmaq təklifini rədd edib.
O, hələ də Sumqayıtdadır və yalnız gündəlik məşqlərini etməklə yadda qalır.
Xatırladaq ki, Mossi 2023-cü ildən "Sumqayıt"ın şərəfini qoruyur.
XANOĞLAN / SPORTİNFO.AZ
