Premyer Liqanın 10-cu turunda “Araz-Naxçıvan”ı qəbul edəcək “Sumqayıt”ın baş məşqçisi Saşa İliç əsas futbolçularından birini Naxçıvan təmsilçisinə qarşı oynada bilməyəcək.
Sportinfo.az xəbər verir ki, bu, komandanın kapitanı Səbuhi Abdullazadədir.
Səbuhi ötən tur “Zirə” ilə səfər oyununda (0:1) 4-cü sarı vərəqəni alaraq cəzalı duruma düşüb.
Mehdi Hüseynzadə adına Sumqayıt şəhər stadionunda baş tutacaq “Sabah” - “Qəbələ” oyunu noyabrın 2-də keçiriləcək. Matçın start fiti 18:30-da səsləndiriləcək.
