"Sumqayıt"ın baş məşqçisi Saşa İliç Azərbaycan kubokunun 2-ci təsnifat mərhələsində "Zaqatala"ya qalib gələrək 1/8 finala adladıqları matç (3:0) haqqında danışıb.
Sportinfo.az xəbər verir ki, o, oyundan sonra klubun mətbuat xidmətinə açıqlamasında deyib:
“Yaxşı qarşılaşma oldu. Əsas məqsədimiz daha az forma şansı əldə edən futbolçuları oynatmaq idi.
Xüsusilə ilk hissədə 2:0 önə keçdikdən sonra oyunun nəzarətini əlimizdə saxlamağa və zədələrdən qaçmağa çalışdıq. İkinci hissədə isə dəyişikliklər edərək digər oyunçuların tonusda qalması üçün şans yaratdıq.
Hesab 3:0 olsa da, düşünməzdim ki, asan qələbə oldu. Lakin istənilən halda növbəti mərhələyə vəsiqə qazandığımız üçün sevincliyik.
“Zaqatala”ya isə növbəti oyunlarda uğurlar arzu edirik”.
"Sumqayıt" 1/8 finalda"Difai" ilə qarşılaşacaq.
