“Sumqayıt”ın əvəzedicilərdən ibarət komandasının baş məşqçisi Vaqif Cavadov “PRO” kateqoriyalı məşqçilik kursları çərçivəsində “Tvente”də təcrübədə olub.
Sportinfo.az xəbər verir ki, bu barədə Niderland klubunun yaydığl açıqlamada bildirilir.
Səfər zamanı həm əsas komandanın, həm də “Tvente” akademiyasının məşqlərini izləyən Cavadov bu əsnada komandanın bir sıra rəsmiləri – baş məşqçi Con van den Brom, klubun inkişaf direktoru Rob Bodre, skaut Vud Brama, akademiyanın futbolun inkişaf departamentinin rəhbəri Bas van Baar həmçinin klubun meneceri Yan van Staa ilə görüşüb, onlarla bir sıra məsələlərdə fikir mübadiləsi aparıb.
V.Cavadov futbolçu kimi 2010-11-ci illərdə “Tvente”nin üzvü olub.
