"Sumqayıt" haqqında material toplamaq çətin idi" - rəqib məşqçidən etiraf

20 İyul 21:50 Sumqayıt 283
"Sumqayıt" haqqında material toplamaq çətin idi" - rəqib məşqçidən etiraf

"Azarkeşlərdən böyük dəstək gözləyirik. Ümid edirik ki, dolu tribunalar önündə III təsnifat mərhələsinə doğru bir addım atacağıq. Bu mövsüm klubun ambisiyaları daha böyükdür".

Sportinfo.az xəbər verir ki, bu fikirləri Serbiyanın "Çukariçki" klubunun məşqçisi Pavle Delibasiç evdə "Sumqayıt"la keçirəcəkləri UEFA Konfrans Liqasının II təsnifat mərhələsinin ilk oyunundan əvvəl mətbuat konfransında deyib.

34 yaşlı mütəxəssis qrup mərhələsinə vəsiqə qazanmaq istədiklərini bildirib: "Ancaq əvvəlcə "Sumqayıt"la matçları düşünürük".

Serbiyalı baş məşqçi UEFA-nın səfər qolu qaydasını ləğv etməsi barədə danışıb: "Bu, yaxşı qərardır və ilk matçda tələsməyəcəyik. Çünki bizi Azərbaycanda cavab görüşü gözləyir".

Delibasiç "Sumqayıt" barədə məlumat toplamaqda çətinlik çəkdikərini etiraf edib: "Onların son oyunları haqqında material əldə etmək çətin idi. Əsasən keçən mövsümdən kadrları izləmişik. Rəqibin intizamlı müdafiə olunan komanda olduğunu bilirik".

Qeyd edək ki, iyulun 21-də Belqraddakı "Çukariçki" stadionunda keçiriləcək görüş Bakı vaxtı ilə saat 22:00-da başlanacaq.

Digər Xəbərlər
Xəbər Lenti
24 İyul 20:40 "Bir qədər pis oldum"
24 İyul 17:55 Vaxtdır, Cavid!