.jpg)
«Keşlə» Aleksandr Kristavaodan FİFA-ya qarşılıqlı şikayət məktubu göndərib.
Sportinfo.az-ın məlumatına görə, paytaxt klubu anqolalı hücumçunun düşərgəni icazəsiz tərk etməsi barədə beynəlxalq futbol qurumunu məlumatlandırıb.
Məktubda qeyd olunub ki, futbolçu avqustun 31-də qabaqcadan heç kimi xəbərdar etmədən ölkə hüdudlarını aşıb və Niderlanda yollanıb.
Həmçinin bildirilib ki, Kristavao Azərbaycanda olduğu müddətdə dəfələrlə nizam-intizam kodeksini pozub, məşqlərə və oyunlara gecikib. Hətta «Laçi» ilə Avropa Liqasının I təsnifat mərhələsi çərçivəsində Bakıda keçirilən matça təyin olunan vaxtda gəlməyib.
«Keşlə» bütün bunları nəzərə alaraq, legioneri ilə müqaviləyə vaxtından əvvəl birtərəfli qaydada xitam verməsini göstərib.
.jpg)
