“Yeni komandaya gələndə sistem dəyişikliyi baş verir. Bu, futbolçular arasında bir qədər anlaşılmazlığa yol açır“.
Sportinfo.az xəbər verir ki, bu sözləri “Keşlə“nin baş məşqçisi Sənan Qurbanov dilə gətirib.
O, yaxınlarda sükanı arxasına keçdiyi komandanın ən böyük problemlərindən birinə - futbolçuların meydanda bir-birlərinə tez-tez irad bildirməsinin səbəblərinə aydınlıq gətirməyə çalışıb:
“Çalışacağıq ki, bu hallar bir daha təkrarlanmasın. Oyunçulara bir-birlərinə söz atmaq ixtiyarı verilmir. Bütün bunlar qarşıdakı günlərdə yoluna qoyulacaq.
Futbolçular başa düşməlidirlər ki, meydançada danışmaq yox, futbol oynamaq lazımdır”.
