«Xəzər Lənkəran»ın keçmiş legioneri Sadio Tounkara karyerasını yenidən Azərbaycanda davam etdirəcək.
Sportinfo.az-ın məlumatına görə, ötən mövsümü Estoniyada keçirmiş hücumçu «Keşlə» ilə anlaşıb.
Baş məşqçi Yunis Hüseynov XL-dən yaxşı tanıdığı malili futbolçunun xidmətinə maraq göstərdiyindən, paytaxt təmsilçisi onunla müqavilə şərtlərini razılaşdırıb.
Afrikalı legioner qarşıdakı günlərdə Bakıya gəlib, 1 illik (6 ay+6ay) kontrakta imza atmalıdır.
Estoniyada Nurlan Novruzovla bərabər «Narva Trans»ın şərəfini qorumuş Tounkara vaxtilə ölkəmizdə AZAL və «Zirə»nin də formasını geyinib.
