.jpg)
Transfer bazarında ən aktivlərdən olan «Səbail»in Emil Balayevə təklif etdiyi məbləğ eşidənləri təəccübləndirib.
Konfrans Liqasına vəsiqə uğrunda «döyüş»ə biləcək heyət qurmaq yolunda kisənin ağzını açan «dənizçilər» millinin ehtiyat qapıçısına illik 130 min dollar ödəməyə hazırdır.
Üç ay öncə «Qarabağ»dan «Turan-Türküstan»a keçmiş kiperin Qazaxıstanda aylıq qazancı 15 min dollardır.
Bu ilin sonunadək müqaviləsi qüvvədə olan «əlcək sahibi» hazırda yerli klub rəhbərliyi ilə danışıqlar aparır.
O, nadir hallarda forma şansı qazandığı üçün azad agent statusu ilə Azərbaycana qayıtmaq istədiyini bildirib.
SPORTİNFO.AZ
