“İndidən say demək düzgün deyil, çünki bu, hər müraciət göndərən komandanın çempionatda iştirak edəcəyi anlamına gəlmir”.
Bu sözləri Sportinfo.az-a açıqlamasında AFFA-nın Uşaq və Gənclər üzrə Yarışların Təşkili Şöbəsinin müdiri, Region Liqası üzrə İşçi Qrupun üzvü Yusif Vəliyev deyib.
Onun bildirdiyinə görə, Region Liqasına maraq böyükdür:
“Elələri var ki, sadəcə, şərt və tələblərlə maraqlanır. Elələri də var ki, yerli İcra Hakimiyyəti və yə hansısa şirkət tərəfindən dəstəklənmir.
Ona görə də sentyabırın 20-dən tez rəqəm açıqlamağın tərəfdarı deyiləm. Ümumiyyətlə, Region Liqasına maraq böyükdür.
Ötən mövsüm çempionatda iştirak edən əksər komandalar son onlayın toplantıya qatıldı. Hər zonada 1-2 yeni komanda yaradılır.
Paytaxt, şimal və cənub zonalarını xüsusi qeyd edərdim. Onlardan bizə müraciət daxil olub, sadəcə, iştirakın təsdiqlənməsi üçün müvafiq öhdəlikləri yerinə yetirmələrini gözləyirik”.