Region Liqasında 2025/2026-cı illər mövsümünün final və 3-cü yer uğrunda oyununun yeri və başlanma saatı müəyyənləşib.
Sportinfo.az xəbər verir ki, bu barədə AFFA-nın saytı məlumat yayıb.
Yarışın həlledici matçları mayın 18-də Şamaxıda təşkil olunacaq.
İlk olaraq saat 11:00-da “Biləsuvar” və “Şəfəq” arasında 3-cü yer uğrunda qarşılaşma keçiriləcək.
Final oyunu isə saat 16:00-da “Zəngəzur”la “Marafon” kollektivləri arasında olacaq. Hər iki qarşılaşma Şamaxı şəhər stadionunda reallaşacaq.
