AFFA “Qəbələ”nin gələcəyi ilə bağlı əsas suala aydınlıq gətirib.
Sportinfo.az-ın məlumatına görə, bölgə klubu fəaliyyətini gələn mövsümdə də davam etdirəcək.
Federasiya ilə SOCAR arasında aparılan uzun-uzadı məsləhətləşmələrdən sonra əyalət təmsilçisinə vəsait ayrılması qərara alınıb.
“Qəbələ” ötən yaydan etibarən neft şirkətindən maddi dəstək alır. Bu, AFFA İcraiyyə Komitəsinin qərarı ilə rəsmiləşdirilib.
“Qırmızı-qaralar”a ödənilən illik məbləğ 1,5 milyon manatdır. Bu pul aylar üzrə bölünüb.