Millinin və «Qarabağ»ın 2 futbolçusu «Sivasspor»un transfer siyahısındadır.
Bu barədə Sportinfo.az-a Türkiyə klubunun baş məşqçisi Bülənt Uyğun bildirib.
Super Liqa təmsilçisinin çalışdırıcısı deyib ki, Toral Bayramov və Elvin Cəfərquliyev onların maraq dairəsindədir. Mütəxəssis hər iki müdafiəçinin keçidi üçün danışıqlar aparacaqlarını söyləyib:
«Mən bu futbolçuları neçə vaxtdır tanıyıram. Onlar həm millidə, həm də «Qarabağ»da izləmişəm.
Gənc və potensialı yüksək oyunçulardır. Bizə böyük faydaları dəyə bilər.
Bir neçə aydır ki, Toralla Elvinin adını siyahıma yazmışam. Bəli, bilirəm ki, hər iki futbolçu «Qarabağ» üçün necə əhəmiyyətlidir.
Ancaq biz də bu transferləri etməyə maraqlıyıq. Artıq menecerlər vasitəsilə onlar barədə müəyyən məlumatlar toplamışıq».
.png)
.jpg)
