“Bütün bunlar bizim baş məşqçimizin əməyidir“.
Sportinfo.az xəbər verir ki, bu sözləri “Qarabağ”ın müdafiəçisi Bədavi Hüseynov deyib.
33 yaşlı arxa xətt oyunçusu Ağdam klubunda qazandığı uğurların səbəbini belə izah edib:
“Sona 8 tur qalmış çempionluğumuzu təmin etsək də, Qurban Qurbanov bizdən yenə də dayanmamağı, daha da yaxşı olmağı, inkişaf etməyi, formada qalmağımızı istəyirdi.
Çünki azca arxayınlaşan kimi rəqiblər bundan istifadə edir. Sonradan yenidən toparlanmaq heç də asan olmur.
Buna görə də bütün bunlar ilk növbədə məşqçilər korpusumuzun əməyidir. Özünüz də görürsüz ki, bu gün “Qarabağ”da bütün oyunçular inkişaf edir, hamı qol vurur”.
