.jpg)
“İlk oyunumuzu səfərdə keçirəcəyik.
Lakin həmişə hücum futbolu sərgiləyirik. Yəqin ki, yenə belə olacaq”.
Sportinfo.az xəbər verir ki, bunu “Qarabağ”ın futbolçusu Marko Veşoviç Çempionlar Liqasının I təsnifat mərhələsində Polşa “Lex”inə qarşı keçirəcəkləri görüşlər barədə danışarkən deyib.
Monteneqro millisinin müdafiəçisi ilk matçın Poznanda keçirilməsinin Azərbaycan klubunun lehinə olduğunu bildirib:
“Cavab matçını evdə keçirməyimiz yaxşıdır. Poznandan əlverişli nəticə ilə dönmək vacibdir. Öz stadionumuzda yaxşı atmosfer olur. Ona görə də daha asan olacaq”.
“Qarabağ” “Lex” ilə ilk oyununu iyulun 5-də səfərdə, cavab görüşünü isə bir həftə sonra evdə keçirəcək.
.jpg)
