"Qarabağ"ın başqanı: "Bizim səviyyəmizə uyğun, keyfiyyətli oyunçular alacağıq"

30 May 2023 02:40 Qarabağ 1 062
"Qarabağ"ın başqanı: "Bizim səviyyəmizə uyğun, keyfiyyətli oyunçular alacağıq"

"Qarabağ"In prezidenti Tahir Gözəl jurnalistlərə müsahibə verib.

Sportinfo.az xəbər verir ki, o, komandanın 10-cu çempionluğundan danışıb.

- “Qarabağ” 10-cu çempionluğunu qeyd etdi. Sizin üçün qeyri-adi hisslər var, yoxsa sıradan bayramdır?

- 10-cu çempionluq Azərbaycanda ilkdir. Bu, bizi çox sevindirir. Hiss edirəm ki, hamımızda ayrı bayram sevinci var. Bir klubun 1-2 il çempion olması başqa şeydir. Amma 10 dəfə çempion olmaq, demək ki, bu klubda qələbə ruhu dərindir. Klubumuzun loqosunda bir ulduz var. UEFA-da hər beş illik çempionluqdan sonra bir ulduz verirlər. Artıq bizim loqomuz dəyişəcək və orada iki ulduz olacaq. Bu, böyük nailiyyətdir. Əlbəttə ki, bu gün zəfərimizi tam başqa ruhla qeyd edirik. Çünki qələbəmizi azad Qarabağda yaşayırıq. Çox özəldir. Bizə bu xoşbəxtliyi verən cənab prezidentə, ölkə başçısı İlham Əliyevə, şəhidlərimizə təşəkkür edirəm. Hamımız üçün çox gözəl gündür.

- Klubun Ağdamla bağlı planı var?

- “Qarabağ” kimi Avropada oynayan klubun əsası Bakıda yerləşib. Bu, faktdır. Cənab prezidentin verdiyi göstərişlə Qarabağda da stadionlar tikiləcək. Doğru zamanda oyunlarımızı orada keçirməkdən şad olaram. Bizim üçün böyük fəxrdir. Amma hesab edirəm ki, “Qarabağ” bugünkü infrastrukturunu Bakıda qoyub. Bunu da Bakıda inkişaf etdirmək lazımdır. Önəmli oyunlarımızı Qarabağda keçirmək bizim üçün şərəf olardı.

- Transferlər olacaq?

- Artıq bir transferimiz oldu. Qurban Qurbanov elan etdi. “Zirə”dən Hamidu Keytanı aldıq. Ondan savayı da, bizim səviyyəmizə uyğun, keyfiyyətli oyunçular alacağıq. Hesab edirəm ki, “Qarabağ” ulduz yetişdirən klıubdur. Büdcəmizin çatdığı qədər ən mükəmməl, əla futbolçular seçiləcək və onlarla birlikdə Avropada önəmli yerimizi tutacağıq. Bu il bizim üçün uğurlu oldu. Komandamdan bu il daha da uğurlu çıxış gözləyirəm. Çünki qarşılarında heç bir əngəl yoxdur.

Digər Xəbərlər
Xəbər Lenti