Sportinfo.az iyunun 15-da eksklüziv olaraq xəbər vermişdi ki, Premyer Liqada çıxış edən 2 klubun 3 futbolçunun özü və ailə üzvləri koronavirusa yoluxub (https://www.sportinfo.az/idman_xeberleri/premyer_liqa/86443.html).
Bildirmişdik ki, onlardan ikisi yerli, biri isə əcnəbi oyunçudur. Qeyd etmişdik ki, virusa yoluxanlar hazırda həkim nəzarəti altındadır.
Az əvvəl "Qəbələ"nin açıqladığı məlumata görə, Amin Seydiyevə ağır itki üz verib. Gənc müdafiəçinin anası Sabirabadda müalicə aldığı xəstəxanada vəfat edib.
Oyunçudan götürülən analizin nəticəsi neqativ çıxdığı üçün karantinə alınmayıb.
Seydiyev ailənin tək oğludur. O, yeni mövsümdən "Sabah"da çıxış edəcək.
