AFFA İntizam Komitəsi müxtəlif liqalarda baş vermiş hüquqi pozuntularla əlaqədar cəzalarını açıqlayıb.
Sportinfo.az xəbər verir ki, cəzaların bir çoxu təhqirlərlə əlaqədardır. Komitənin açıqladığı qərarda deyilir ki, 19 yaşadək futzalçılardan ibarət Azərbaycan millisinin baş məşqçisi Ağatahir Əzimov öz komandasını təhqir etdiyi üçün 5 oyunluq diskvalifikasiya olunub.
Bundan başqa, U-14 Liqasında keçirilən “Sumqayıt” – “Keşlə” oyununda “Keşlə”nin baş məşqçisi Vəli Hüseynov, Coca-Cola U-13 Liqasında keçirilən “Neftçi İK İB” (Siyəzən) – “Şirvanovka” (Qusar) oyununda Şirvanovka (Qusar) komandasının baş məşqçisi Kamran Nurəhmədov, U-12 Liqasında keçirilən UGİM (Siyəzən) – UGİM (Xaçmaz) oyununda UGİM (Siyəzən) komandasının baş məşqçisi Emin Nəzərov hakimləri təhqir etdiyi üçün hər biri 5 oyunluq cəzalanıb.
