Dünya futbolunda daha bir faciəvi hadisə baş verib.
Sportinfo.az xəbər verir ki, “Barselona”ya görə iki qardaş arasında qanlı dava düşüb. Bildirilir ki, hadisə Əfqanıstanın Kapisa vilayətində baş verib.
Belə ki, Həşmətulla adlı 30 yaşlı kişi İspaniya La Liqasının son turunda “Barselona”nın səfərdə “Valensiya”ya uduzmasına görə (0:2) kiçik qardaşı ilə mübahisə edib.
“Barsa” azarkeşi olan Həşmətulla mübahisə zamanı kiçik qardaşı Emini öldürüb. Əvvəlcə, qardaşını bıçaqlayan Həşmətulla daha sonra onu ov tüfəngi ilə vurub. Xəstəxanaya çatdırılan Eminin həyatını xilas etmək mümkün olmayıb. Polis qatilin axtarışına başlayıb.
