Təlim-məşq toplanışını Türkiyənin Antalya şəhərində davam etdirən 19 yaşadək futbolçulardan ibarət Azərbaycan yığma komandasının heyətinə daha bir futbolçu dəvət edilib.
Sportinfo.az AFFA-nın saytına istinadən xəbər verir ki, “Qarabağ”ın üzvü Qurban Məhərrəmov U-19-un hazırlığına qoşulub. Məhhərmov siqaret çəkdikləri üçün yığmadan kənarlaşdırılan qapıçılar - Elnur Hüseynovla Vüsal Şabanovun əvəzinə heyətə cəlb olunub.
Qeyd edək ki, U-19 bu gün yerli vaxtla saat 15:00-da (Bakı vaxtı ilə saat 16:00-da) "Alanyaspor" klubunun müvafiq yaş qrupuna üzrə komandası ilə yoxlama oyunu keçirəcək.
