"Tottenhem"in bazar günü keçirilən məşqində qalmaqal yaşanıb.
Sportinfo.az xəbər verir ki, İngiltərə kubokunun "Middlsbro" ilə ikinci görüşündə oynamayan London klubunun müdafiəçisi Denni Rouz Premyer Liqanın 23-cü turunun "Uotford"la qarşılaşmasında da meydana çıxmamasına görə məşqdə portuqal mütəxəssisə sərt şəkildə narazılığını bildirib.
29 yaşlı futbolçu "Don Joze" ilə ağır tonda danışıb, tərəflər mübahisə ediblər. Britaniya mətbuatı bu qarşıdurmanı Mourinyonun "Tottenhem"də ilk qalmaqalı kimi qələmə verib.
