"Milan"ın hücumçusu Zlatan İbrahimoviçin doğma şəhəri Malmödə ucaldımış heykəli növbəti dəfə vandalizmə məruz qalıb.
Sportinfo.az xəbər verir ki, bir müddət əvvəl başına sellofan torba keçirilərək yandırılan heykəl bu dəfə ümumiyyətlə yerindən aşırılıb. 38 yaşlı İbrahimoviçin bir müddət əvvəl yetirməsi olduğu "Malmö"nün yox, "Hammarbü"nün səhmlərinin bir hissəsini alması paytaxt klubunun azarkeşlərini özündən çıxarıb.
İsveç polisinin axtardığı naməlum şəxslər əvvəlcə mişarla heykəlin ayaqlarını kəsiblər. Sonra aşırılmış heykəlin başına üzərində “İsveç” sözü yazılmiş sviter keçirib ətrafa “götürülsün” plakatı qoyulub.