Karyerasını ABŞ-nin “İnter Mayami” klubunda davam etdirən Lionel Messi zədələnib.
Sportinfo.az xəbər verir ki, bud əzələsindən zədə alan futbolçu MLS-in növbəti turundakı oyunlarda iştirak edə bilməyəcək.
Belə ki, 37 yaşlı hücumçu “Nyu York Red Buls” (23 mart) və “Nyu York Sity” (31 mart) ilə görüşdə komandasına kömək edə bilməyəcək. Messi Argentina millisinin qarşıdakı yoldaşlıq matçlarını da buraxmalı olacaq.
Lionel Messi bu mövsüm “İnter Mayami”nin heyətində 5 oyunda 5 qol vurub, 2 məhsuldar ötürmə verib.
