.jpg)
Milli dərəcəli hakim Rəşad Əhmədov cəzalandırılıb. Bu, onun Premyer Liqanın 26-cı turunda etdiyi idarəçiliklə bağlıdır.
Belə ki, o, «Turan Tovuz» - «Araz-Naxçıvan» matçında (2:0) bir sıra yanlış qərarlarla yadda qalıb.
AFFA-nın Hakimlər Komitəsi qonaq komandanın narazı qaldığı epizodları incələyib və onun səhvlərini üzə çıxarıb.
Komitənin sədri Barış Şimşək «fit sahibi»nə əsasən 2 fraqmenti irad tutub.
Bunlardan biri «Turan»ın ikinci qolundan əvvəl qayda pozuntusunun qeydə alınmaması, digəri isə Muxtar Respublika təmsilçisinin son dəqiqələrdə qazandığı penaltiyə göz yummasıdır.
Əhmədov bütün bu xətalarına görə 3-5 turluq «məcburi istirahət»ə göndərilib.
