Beynəlxalq Qırmızı Xaç Komitəsi demək olar ki, bir aylıq fasilədən sonra Qarabağdan olan xəstələri Ermənistandakı tibb mərkəzlərinə köçürüb.
Bu barədə komitənin Ermənistandakı nümayəndə heyətinin kommunikasiya proqramlarının rəhbəri Zara Amatuni yerli mediaya bildirib.
Onun sözlərinə görə, Xankəndidən 15 xəstə aparılıb, daha 12 nəfər Qarabağa qayıdıb.
Erməni tərəfin iddialarına və Azərbaycana iftira atmasına baxmayaraq, BQXK daşımaların dayandırılmasına özünün qərar verdiyini açıqlamışdı.
