Azərbaycan millisinin futbolçusu Namiq Ələskərov “Bursaspor”da pul cəriməsi almamaq üçün klubun bazasına yollanıb.
Sportinfo.az-ın Türkiyə mətbuatına istinadən məlumatına görə, Ələskərovla yanaşı, Joao Pedro və 5 təcrübəli yerli futbolçu düşərgəyə qayıdıb.
Ancaq adıçəkilən oyunçuların heç biri “Menemenspor”la oyunöncəsi məşqə qatılmayıb. Maraqlıdır ki, onları məşqə çıxmaqdan imtina etdikləri üçün cəza da gözləmir.
Çünki cərimələnməmək üçün əsas şərt bazada olmaqdır. Həmin 7 oyunçudan fərqli olaraq, düşərgəyə qoşulmayan digər əcnəbilər və təcrübəli yerlilərlə bağlı hüquqi prosedura başlanılıb.
“Bursaspor” TFF I Liqasının son tur matçına U-17 və U-19-un oyunçuları ilə çıxacaq.
“Bursaspor” I Liqanı tərk etdiyindən, Namiq Ələskərov da daxil olmaqla bütün əcnəbi oyunçuları ilə müqaviləyə xitam verəcək.
.png)
