“Bavariya”nın idarə heyətinin sabiq sədri Karl-Haynts Rummenigge futbolçulara ödənilən yüksək məvacibdən danışıb.
Sportinfo.az xəbər verir ki, Rummenigge fikrini əsaslandırmaq üçün Kriştiano Ronaldonun müqaviləsini misal çəkib.
O, belə durumun gələcəkdə böyük fəsadlar yaradacağını qeyd edib:
“Əsas problem odur ki, kimlərsə məvacibləri qaldırmaqda davam edirlər. Ronaldoya 70 milyon ödəyirlər, tər-təmiz 35 milyon alır. Bunu daha kimlər edə bilər?
PSJ? İngiltərə klubları? Bu, inkişafın sağlam yolu deyil. UEFA tədbir görməlidir. Çünki xərclər yenə də artır. Bir müddətdən sonra belə tendensiya böyük fəsad yaradacaq”.
