Konfrans Liqasının pley-off mərhələsinin ilk oyununda "Qarabağ"ın qonağı olacaq "Aberdin"in idarə heyətinin sədri Deyv Kormak Tofiq Bəhramov adına Respublika stadionunun ot örtüyünə görə UEFA-nı tənqid edib.
Sportinfo.az xəbər verir ki, o, matçın keçiriləcəyi stadionu ot örtüyünün şəkillərini tvitter hesabında paylaşıb:
"UEFA belə bir meydanda necə oyun sala bilər axı? Bakıda gözəl stadion var və bunu hava limanından gələrkən gördük. Bəlkə də biz cavab matçını həvəskar komandaya məxsus "İnverdi"də keçirməliyik!"
"Qarabağ" - "Aberdin" görüşü bu gün saat 20:00-da baş tutacaq. Cütün cavab matçı avqustun 26-da Şotlandiyada keçiriləcək.
