“Bərpa olunmayan liqalara cəza tətbiq edilməyəcək”

3 Aprel 23:20 Premyerliqa 135
“Bərpa olunmayan liqalara cəza tətbiq edilməyəcək”

UEFA koronavirus pandemiyası üzündən dayandırılıb, sonradan bərpa olunmayan liqalara cəza tətbiq etməyəcək.

Sportinfo.az xəbər verir ki, bunu UEFA-nın vitse-prezidenti Mişel Uva açıqlayıb.

O bildirib ki, yarımçıq qalan çempionatın nəticələrini yekun kimi tanıyan ölkələrin klubları avrokuboklara buraxılacaq: “İnsanların həyatı və sağlamlığı naminə verilən qərarlar heç bir neqativ nəticə ilə yekunlaşmamalıdır.

Bu üzdən də milli assosiasiyaların turnirləri bitirib-bitirməməsi ilə bağlı hər hansı ölçü götürülməyəcək. Bundan başqa, çempionatların bitmə tarixi pandemiyanın müxtəlif ölkələrdəki yayılma sürətinə görə bir-birindən çox fərqlənə bilər.

Əgər klublar məşq keçmək və oynamağın təhlükəli olması barədə qərar qəbul etsə, bu ölkələrdə idman tədbirlərinin keçirilməsi ilə bağlı hökumət qərarları olmasa belə, həmin komandalar avrokuboklarda oynamaq şansını itirməyəcək. Avrokubokların iştirakçılarının necə müəyyənləşəcəyi üzərində işləyirik”.

Belçika çempionatı bərpa olunmayacağını və indiki turnir cədvəlini yekun kimi tanıyacağını açıqlayıb. Bundan sonra belə addım atan ölkələrin avrokuboklara buraxılmaması növbəti dəfə gündəmə gəlib.

Digər Xəbərlər
Xəbər Lenti